МАСКА СО ВУЛКАНСКА ГЛИНА

Глината е природен детоксификатор, има голема моќ на апсорпција – ги врзува, впива и исфрла нечистотиите од телото. Чисти од акни и митесери, смирува воспалителни процеси на кожата, и е корисна за нејзина заштита бидејќи е богата со есенцијални минерали.

МАСКА ЗА ЗАТЕГНУВАЊЕ

Оваа маска се користи за затегнување на кожата, после бременост или после драстично ослабнување.

ЧОКОЛАДНА МАСКА

Чоколадната маска ќе ја нахрани, обнови и освежи вашата кожа поттикнувајќи го производството на природниот колаген и еластин со што се заштитува и обновува структурата на кожата. Таа има и лифтинг ефект со што посебно се препорачува за сува и уморна кожа.

ПИЛИНГ НА ТЕЛО

Со пилингот се отстрануваат мртвите клетки од кожата, што придонесува за нејзина нежност и кадифен изглед. Се препорачува пред третирање на кожата со погоре наведените маски за постигнување на одличен ефект.

• Чоколаден пилинг
• Пилинг со сол од мртво море
• Пилинг со семки од грозје
• Бадемов пилинг
• Пилинг со органски билки

ХИДРАТАНТЕН ТРЕТМАН НА ЛИЦЕ

Наменет е за сува и нормална кожа. Започнува со чистење на лицето со млеко и тоник за освежување. Потоа се отстрануваат мртвите клетки со помош на пилинг, продолжува со 20 минутна масажа на лице, врат и деколте, со што се забрзува крвотокот. На тој начин клетките се заситуваат со кислород, а кожата добива свежина и блесок. Ефектот се надополнува со кислородна маска и серум за длабинска хидратација. Третманот завршува со апликација на специјална крема која содржи супстанции што се ослободуваат и ги уништуваат слободните радикали.

TРЕТМАН ЗА МАСНА КОЖА

Третманот е наменет за масна и проблематична кожа со акни. Започнува со чистење на лицето со млеко и тоник за освежување, продолжува со 20 мин. масажа на лице, врат и деколте. Третманот завршува со нанесување на маска од глина која дава видливи резултати после првиот третман.

TРЕТМАН ПРОТИВ СТАРЕЕЊЕ

Овој третман се препорачува за дами што сакаат превентивно да се заштитат од појава на брчки. Се започнува со чистење на лицето, пилинг, маска за хидратација, anti-age масажа на лице, серум против стареење со колаген и завршен крем против стареење.

ДЛАБИНСКО ЧИСТЕЊЕ НА ЛИЦЕ

Класичен третман за отстранување на мртвите клетки, и нечистотии од лицето, кој започнува со парење на лицето, продолжува со пилинг, потоа со рачна екстракција на комедони, маска со смирувачки ефект и завршува со масажа на лице со органски крем за блескав финиш.

МАСАЖА НА ЛИЦЕ И СКАЛП

Фацијалната масажа е одлична за ослободување од стресот, тензијата и заморот, и прави да се чувствувате релаксирано и здраво. Таа носи придобивки и за изгледот на вашето лице, бидејќи ја стимулира циркулацијата на крвта, ослободува од напнатост и ја намалува појавата на брчки. Лицето ќе ви изгледа посвежо, а вие ќе се чувствувате подобро.